На 9 јули тимот на GEA како дел од својата годишна програма организираше еден малку поинакво gender equality afterwork дружење кое ги спои trivia ентузијастите, signature коктели и тимско-натпреварувачкиот дух сѐ со цел неформално дружење и кревање на свеста за родовата еднаквост на еден интересен начин. На овој Trivia Quiz & Cocktails Night учествуваа 10 тимови кои беа составени од нашите драги партнери, поддржувачи и пријатели на GEA и АЕТМ; секој од тимовите со себе го понесоа својот ентузијазам, подготвени да го тестирааат своето знаење низ 7 различни категории, и тоа: дигитализација и tech, famous firsts, спорт, култура и забава, наука, претприемништво и гастрономија.
Победничкиот тим кој освои импресивни 310 поени беше тимот на нашиот поддржувач Сава Пензиско, а нивното знаење и победа им донесоа одлична награда од нашиот venue host, Casa Bar. Голема благодарност до сите тимови кои ни се придружија на настанот и придонесоа за одлична атмосфера – нивната енергија и ентузијазам навистина придонесоа за одлична вечер. Навистина се радуваме што ваквиот настан беше одлично примен од страна на учесниците и со нетрпение очекуваме да организираме уште вакви настани во иднина каде што знаењето се спојува со забавата и родовата еднаквост.
Галеријата од настанот е достапна на овој линк.
