fbpx
 

Настани

Сведоци сме на реалноста во нашето општество каде што полесно е да се наметнат митови кои ќе ги засенат контраверзните факти, наместо да обрнеме повеќе внимание и да поттикнеме промена која би била клучна за достигнување социјална кохезија и економска рамноправност во нашето општество. Како на пример – митот дека родова еднаквост при вработувањето е постигната и дека жените имаат исти можности за полно работно време како и мажите. Тоа всушност беше и главната цел позади нашата кампања во пресрет на месецот на жената, ‘’Мит vs. факт: Откривање на вистината за родовата еднаквост’’. 


Преку различни креативи и квизови пласирани на социјалните мрежи, обработивме важни прашања и проблематики инспирирани од реалната поставеност на економската сфера во нашата држава, кои воедно беа и статистички поддржани од истражувања и студии од Државниот завод за статистика, Светскиот Економски Форум, Светската Банка и Европскиот институт за родова еднаквост. Приказната дека домашните обврски претставуваат еднакви одговорности и за мажите и жените во нашата земја можеби звучи олеснително и ветувачки, но според Светска Банка, жените во С.Македонија трошат 2,8 пати повеќе време на неплатена домашна работа и нега во споредба со мажите.

За да се достигне посакуваната промена во општеството, важно е претходно да се подигне свеста за реалното присуство на проблемите а тоа може да се направи само со споделување на сигурни факти.

 

 

Кулминација на кампањата, пласирана на социјалните мрежи беше Networking Brunch & Quiz каде што заедно со нашите соработници, партнери, поддржувачи на GEA и претставници од бизнис секторот имавме можност да продискутираме околу проблематиката поврзана со родовата (не)еднаквост и да ги провериме знаењата кои сме ги стекнале од самата кампања преку интерактивен квиз. Беа присутни околу 60 гости, меѓу кои и Проф.д-р Елизабета Ѓоргиевска, Сопруга на Претседателот на Република Северна Македонија, Шефот на кабинетот од Министерството за труд и социјална работа – Наташа Димеска и членови на Советот на Алијансата за родова еднаквост на работното место – ГЕА.

 

 

Покрај интерактивниот дел од настанот, ја имавме и можноста да изразиме благодарност до нашите неверојатни партнери, поддржувачи и соработници кои играат клучна улога во унапредувањето на родовата еднаквост во нашата земја и чија посветеност постојано не инспирира со доделување на признанија.

 

Да продолжиме да ги пробиваме митовите со факти, во текот на целата година и да ја подигаме свеста за предизвиците на родовата еднаквост на работното место чие присуство е сè погласно во нашето секојдневние. 

Во сезоната на предновогодишни забави и прослави, во соработка со тимот на Paint & Wine Skopje на 13.12. организиравме малку поинакво и уникатно новогодишно дружење во друштво на нашите драги партнери и пријатели кои со себе ја понесоа нивната добра енергија со цел успешно и на креативен начин да ја заокружиме изминатата година.


Уметноста и виното често одат рака под рака, а на ова дружење со повеќе од 40 партнери и пријатели на ГЕА од приватниот и јавниот сектор сликавме токму на тема инспирирана од родовата еднаквост, дигустиравме квалитетно вино од мали семејни винарии и ги разбудивме уметниците во себе.

Темата на овoj настан го следи забрзаното темпо на дигиталната трансформација и ја нагласува важноста на користењето на дигиталните технологии преку кои се дава огромен придонес кон затварањето на јазот во професионалните можности помеѓу мажите и жените.

Преку својата работа Алијансата за родова еднаквост на работното место – ГЕА се залага за инклузивна работна средина и еднаквост во можностите преку искористување на потенцијалот на дигитализацијата и е-трговијата. Главниот фокус на ГЕА е намалување на родовиот јаз на работното место, преку мотивирање на компаниите активно да учествуваат во промените и да креираат инклузивни интерни политики за работа и практики со кои се рушат стереотипите поврзани со жените и девојките.

Со свое поздравно обраќање сесијата официјално ја отвори Нина Ангеловска, претседателка на Алијансата за родова еднаквост – ГЕА: „Застапеноста на полот е значително важна, и не само затоа што е во согласност со принципите на еднаквост и фер игра без дискриминација, туку и затоа што претставува едноставно бизнис интерес. Истражувањата покажуваат дека компаниите со еднаква застапеност на полот вредат повеќе и се поиновативни, остваруваат подобри резултати, носат подобри одлуки. Особено ми е драго што компаниите кои ја поддржуваат работата на GEA, како што е A1 Македонија се своевидни позитивни примери (role-models) со еднаква застапеност на жените во вкупниот број на вработени и што е поважно еднаква застапеност на жени на менаџерски позиции. Целта на овие нетворкинг тематски настани е да ја кренеме свеста за значајноста на оваа тема, да ги истакнеме и промовираме позитивните примери и секако нетворкинг од кој произлегуваат идеи и инспирација за нови иницијативи.“

Свое обраќање имаше и Извршниот директор на А1 Македонија, Методија Мирчев кој изјави: „Ние во А1 Македонија не сме само гласни на оваа тема, туку и активно ја адресираме. Работиме на активна промоција на нашите колешки во рамките на компанијата, на специјално организирани тренинзи говориме за надминување на несвесни предрасуди, а за усовршување и поттик на професионалните кариери работиме преку менторска програма и ставаме на располагање обуки за усовршување и развој на дигитални вештини, а преку можноста за флексибилно работно време овозможуваме баланс на професионалниот и личен живот. Ја поздравувам иницијативата на ГЕА бидејќи учејќи од меѓусебните практики можеме да дадеме придонес во унапредување на родовата еднаквост на работното место, работна средина во која различностите се почитуваат, во која сите имаат исти можности, права и обврски независно од полот на кој припаѓаат”.

Со цел да се прикажат активните заложби на компанијата за создавање на еднакви можности помеѓу мажите и жените во професионалната работна средина, беше прикажано промотивно видео изработено од страна на А1 Македонија и Алијанса за родовата еднаквост. Преку видеото беа споделени успешните примери во професионална работна средина на А1 за учеството од 50% жени на раководни позиции, надминувањето на предизвиците во родовата застапеност и обезбедувањето на непречено функционирање на услугите преку синергијата на мешаните машко-женски тимови.

Свое обраќање имаше и Извршниот директор на А1 Македонија, Методија Мирчев кој изјави: „Ние во А1 Македонија не сме само гласни на оваа тема, туку и активно ја адресираме. Работиме на активна промоција на нашите колешки во рамките на компанијата, на специјално организирани тренинзи говориме за надминување на несвесни предрасуди, а за усовршување и поттик на професионалните кариери работиме преку менторска програма и ставаме на располагање обуки за усовршување и развој на дигитални вештини, а преку можноста за флексибилно работно време овозможуваме баланс на професионалниот и личен живот. Ја поздравувам иницијативата на ГЕА бидејќи учејќи од меѓусебните практики можеме да дадеме придонес во унапредување на родовата еднаквост на работното место, работна средина во која различностите се почитуваат, во која сите имаат исти можности, права и обврски независно од полот на кој припаѓаат”.

Со цел да се прикажат активните заложби на компанијата за создавање на еднакви можности помеѓу мажите и жените во професионалната работна средина, беше прикажано промотивно видео изработено од страна на А1 Македонија и Алијанса за родовата еднаквост. Преку видеото беа споделени успешните примери во професионална работна средина на А1 за учеството од 50% жени на раководни позиции, надминувањето на предизвиците во родовата застапеност и обезбедувањето на непречено функционирање на услугите преку синергијата на мешаните машко-женски тимови.

На настанот присуствуваа околу 100 гости – претставници од бизнис секторот, партнери и поддржувачи на ГЕА, претставници на невладиниот сектор, меѓународни организации и фондации како и претставници на владини институции, помеѓу кои и Министерката за труд и социјална политика, Јована Тренчевска. 

Повеќе информации за Сесијата за вмрежување: „Дигитална иднина, еднакви права“ и воедно за Алијансата за родова еднаквост на работното место можат да се погледнат на следниот линк: https://genderequalityalliance.org/.